Wala gibati sa mga kabatan-onan sa Buena Oro ang kainit sa panahon para lang makatigom ug mga donasyon para sa mga biktima sa Bagyong Sendong.Niadtong Disyembre 18, Dominggo, sugod alas 9 sa buntag hangtod alas 4 sa hapon, naglibot ang mga kabatan-onan sa Buena Oro, Southview Homes, ug Woodland para mangolekta ug mga donasyon. Labing kalipay na ang ilang nabati sa pagkakolekta nila ug sako-sakong mga donasyon gikan sa mga tawo nga gusto makatabang.
Ang mga donasyon gideretso ug hatod sa Immaculate Heart of Conception Parish sa Aluba para ihatod sa mga evacuation center. Wala na naghulat ug ganti ang mga kabatan-onan. Ang ila lang gitagamtam, matud pa nila, nga ang ilang gamay nga hinabang makahatag ug dakong kalipay sa ilang mga igsuon hilabi na karong adlaw sa pasko.
2 comments:
Grabe ka-dalayegon sa maong mga batan-on. Hinaot nga ang ilang mga maayong hiyas masundog sa tanang tawo ilabina karon nga lisod na kaayo atong panahon, kinahanglan gyod nato ang pagpakitag gugma alang sa tanang matang o rasa sa tawo. Sakit.info
Post a Comment